ഇപ്പോൾ തമിഴിൽ ജ്യോതിക നായികയായെത്തുന്ന കോമഡി- ഡ്രാമ ചിത്രം കാട്രിന്‍ മൊഴിയിൽ ജിമിക്കി കമ്മൽ പാട്ടിനൊപ്പം ജ്യോതിക ചുവടുകൾ വയ്ക്കുന്നു. വിജിയാണ് നൃത്തസംവിധാനം ചെയ്തിരിക്കുന്നത്. ജ്യോതികയോടൊപ്പം ലക്ഷ്മി മഞ്ചു, കുമാരവേൽ, സിന്ധു ശാം, മലയാളിയായ സാന്ദ്ര എന്നിവരും ഉണ്ട്.
ബോളിവുഡ് ചിത്രം തുമാരി സുലുവിന്റെ റീമേക്കാണ് കാട്രിന്‍ മൊഴി. രാധാ മോഹന്‍ സംവിധാനം ചെയ്യുന്ന ചിത്രം നിര്‍മ്മിക്കുന്നത് ധനന്‍ജയനാണ്. കാട്രിന്‍ മൊഴി ഒക്ടോബര്‍ 18ന് തിയറ്ററുകളിലെത്തും.