ജീവിതത്തില്‍ ഒരിക്കലെങ്കിലും സൈനസൈറ്റിസ് മൂലമുള്ള ബുദ്ധിമുട്ട് അനുഭവിക്കേണ്ടി വന്നിട്ടുള്ളവരായിരിക്കും നമ്മളിൽ ഓരോരുത്തരും. ക്കിനു ചുറ്റുമുള്ള അസ്ഥികളിലെ പൊള്ളയായ സ്ഥലങ്ങളാണ് സൈനസുകള്‍ അണുബാധ അല്ലെങ്കില്‍ മറ്റെന്തെങ്കിലും കാരണംമൂലം സൈനസില്‍ കോശജ്വലനം ഉണ്ടാകുന്നത് സൈനസൈറ്റിസ് എന്ന അവസ്ഥയ്ക്ക് കാരണമാകുന്നു.
അതുമൂലമുണ്ടാകുന്ന വേദന കുറയ്ക്കാൻ ചില മാർഗങ്ങൾ നോക്കാം.
- മൂക്കിലെ കോശകലകളെ ഈര്‍പ്പമുള്ളതാക്കി നിലനിര്‍ത്തുന്നതിന് വാം കം‌പ്രസുകള്‍ സഹായിക്കും. ഇതിനായി, ചൂടുവെള്ളത്തില്‍ മുക്കിപ്പിഴിഞ്ഞ ടവ്വല്‍ മൂക്കിനുചുറ്റിനും നെറ്റിയിലും വച്ച് ചൂടുപിടിപ്പിക്കുക. ഇതിനു ശേഷം കോള്‍ഡ് കം‌പ്രസും ചെയ്യാം. ഇതും സൈനസ് വേദന ശമിപ്പിക്കാന്‍ സഹായിക്കും.
- ദിവസം മുഴുവന്‍ നല്ല രീതിയില്‍ വെള്ളം കുടിക്കുക. ധാരാളം വെള്ളവും മറ്റു പാനീയങ്ങളും കുടിക്കുന്നതിലൂടെ ശരീരത്തെ ജലീകരിക്കുന്നത്, ശരീരത്തിനു മറ്റു പല രീതികളില്‍ പ്രയോജനം ചെയ്യുന്നതു പോലെ, സൈനസില്‍ ഈര്‍പ്പം നിലനിര്‍ത്തുന്നതിനും സഹായിക്കും.
- തലയിലൂടെ ഒരു ടവ്വല്‍ ഇട്ടശേഷം ആവികൊള്ളുക. ചൂടുവെള്ളത്തില്‍ കുളിക്കുന്നതും മൂക്കിലെ കഫം അയഞ്ഞു പോകുന്നതിന് സഹായിക്കും.
- വീട് അലര്‍ജിമുക്തമാക്കുക. അലര്‍ജികള്‍ സൈനസൈറ്റിസിനെ കൂടുതല്‍ വഷളാക്കും.
ഇവയൊക്കെ ചെയ്താൽ സൈനസൈറ്റിസ്നെ ഒരു പരിധിവരെ തടയാം.