ആവശ്യമായ സാധനങ്ങൾ
1 . തക്കാളി – മുക്കാൽ കിലോ
2 . സവാള – രണ്ട് , ഇടത്തരം പൊടിയായി അരിഞ്ഞത്
വെളുത്തുള്ളി – 4 അല്ലി അരിഞ്ഞത്
ഇഞ്ചി അരിഞ്ഞത് – രണ്ടു ചെറിയ സ്പൂൺ
വെള്ളം – ഒന്നരക്കപ്പ്
3 . ബസ്മതി അരി – ഒരു കപ്പ്
4 . നെയ്യ് – രണ്ടു വലിയ സ്പൂൺ
5 . സവാള – രണ്ടു വലുത് കനം കുറച്ചരിഞ്ഞത്
തയ്യാറാക്കുന്ന വിധം
- തക്കാളി അരിഞ്ഞതും രണ്ടാമത്തെ ചേരുവയും യോജിപ്പിച്ച് ചെറുതീയിൽ വേവിച്ച ശേഷം അരിച്ചെടുക്കണം.
- അരി കഴുകി അരമണിക്കൂർ കുതിർത്തു വെയ്ക്കണം.
- നെയ്യ് ചൂടാക്കി സവാള വഴറ്റി ഗോൾഡൻ നിറത്തിൽ ആകുമ്പോൾ കോരി മാറ്റി വെയ്ക്കുക.
- അരിച്ചെടുത്ത തക്കാളി പ്യുരിയിൽ പാകത്തിന് വെള്ളം ചേർത്ത് രണ്ടു രണ്ടര കപ്പ് ആക്കണം. ഈ മിശ്രിതം അടുപ്പത്തിരിക്കുന്ന അരിയിൽ ചേർത്തിളക്കി ചെറു തീയിൽ വേവിക്കുക . വെള്ളം മുഴുവൻ പറ്റി അരി വേവാകുമ്പോൾ ഒരു ഫോർക്ക് കൊണ്ടു മെല്ലെ വിടർത്തിയെടുക്കണം. ആവശ്യമെങ്കിൽ കൂടുതൽ വെള്ളം ചേർക്കാം .
- വറുത്തു വെച്ചിരിക്കുന്ന സവാള മുകളിൽ വിതറി ചൂടോടെ വിളമ്പാം