രണ്ടു പതിറ്റാണ്ടു മുമ്പ് വരെ ഇന്ത്യൻ നിരത്തുകളിലെ സജീവ സാന്നിധ്യമായിരുന്നു എൽ എം എൽ തിരിച്ചെത്തുന്നു.ഇറ്റാലിയൻ കമ്പിനിയായ വെസ്പയുമായി ചേർന്നായിരുന്നു അന്ന് എൽ എം എൽ ഇന്ത്യൻ നിരത്തുകൾ കീഴടക്കിയത്.
ഇലക്ട്രിക്ക് വാഹന വിപണി കീഴടക്കാനാണ് എൽ എം എൽ ഇന്റെ ഇപ്പോളത്തെ തിരിച്ചുവരവ്.അതിന് മുന്നോടിയായി വരാനിരിക്കുന്ന സ്റ്റാർ ഇലക്ട്രിക് സ്കൂട്ടറിനുള്ള ബുക്കിംഗ് ആരംഭിച്ചതായി എൽഎംഎൽ ചൊവ്വാഴ്ച പ്രഖ്യാപിച്ചു.
പുതിയ സ്റ്റാർ ഇവിയുടെ ബുക്കിംഗ് തങ്ങളുടെ ഔദ്യോഗിക വെബ്‌സൈറ്റിൽ ഓൺലൈനായി തുടങ്ങിയിട്ടുണ്ടെന്ന് കമ്പനി അറിയിച്ചു.താൽപ്പര്യമുള്ള ഉപഭോക്താക്കൾക്ക് കമ്പനിയുടെ വെബ്‌സൈറ്റിൽ ബുക്ക് ചെയാനുള്ള ഫോം പൂരിപ്പിക്കാനും പ്രാരംഭ തുകയൊന്നും നൽകാതെ സ്കൂട്ടർ റിസർവ് ചെയ്യാനും കഴിയും. ഏറെ നാളുകൾക്ക് ശേഷം എൽ എം എൽ ഇറക്കുന്ന വാഹനം എന്ന പ്രതേകത കൂടി എൽ എം എൽ സ്റ്റാറിനുണ്ട്.വളരെ മനോഹരമായി രൂപകൽപന ചെയ്തിരിക്കുന്ന ഒരുവാഹനമാണ് എൽ എം എൽ സ്റ്റാർ. പുതിയ മോഡലിന്റെ പ്രധാന ഹൈലൈറ്റുകളിൽ ചിലത് അതിന്റെ ഫാസിയയിൽ ഡിസ്‌പ്ലേ പാനൽ, സ്റ്റെപ്പ്ഡ് സീറ്റുകൾ, ടെലിസ്‌കോപിക് ഫ്രണ്ട് ഫോർക്കുകൾ, പിന്നിൽ ഒരു മോണോ ഷോക്ക്, ഡിസ്‌ക് ബ്രേക്കുകൾ തുടങ്ങിയവയാണ് പുതുതായി ലോഞ്ച് ചെയ്ത Ola S1 എയർ എൻട്രി ലെവൽ s-സ്കൂട്ടർ, ബജാജ് ചേതക്, TVS iQube, മറ്റ് ബാറ്ററിയിൽ പ്രവർത്തിക്കുന്ന ഇലക്ട്രിക് സ്കൂട്ടറുകൾ എന്നിവയുടെ നേരിട്ടുള്ള എതിരാളിയായി പുതിയ LML സ്റ്റാർ പുറത്തിറങ്ങുന്നത്. വിലനിർണ്ണയത്തെക്കുറിച്ച് സൂചനകളൊന്നുമില്ലെങ്കിലും, എക്സ്-ഷോറൂം വിലയുടെ അടിസ്ഥാനത്തിൽ പുതിയ സ്കൂട്ടർ ഒരു ലക്ഷം മുതൽ 1.10 ലക്ഷം രൂപ വരെയാണ് പ്രതീക്ഷിക്കുന്നത്. ബുക്കിംഗ് വെബ്സൈറ്റ് https://www.lmlemotion.com/star