ജനപ്രീതി നേടിയെടുത്ത കമ്പനിയാണ് ഏഥർ. ബാംഗ്ളൂർ ആസ്ഥാനമായി പ്രവർത്തിക്കുന്ന ഈ കമ്പനി തങ്ങളുടെ ഉത്പന്നങ്ങളുടെ മികവ് കൊണ്ടാണ് വൻകിട കമ്പനികളെ അടിച്ച് താഴെയിട്ട് പേരെടുത്തത്. മുൻവർഷങ്ങളിൽ ഇറങ്ങിയ ജനപ്രിയ മോഡലുകളെല്ലാം വിപണിയിൽ തരംഗമായി മാറിയിരുന്നു, ഇപ്പോഴിതാ ഏറ്റവും പുതിയ അപ്പ്ഡേറ്റഡ് വെർഷനുമായി ഇറങ്ങുകയാണ് ഏഥർ. ഏഥർ റിസ്‍ത എന്ന തങ്ങളുടെ പുതിയ മോഡൽ കഴിഞ്ഞ ദിവസമാണ് വിപണിയിൽ എത്തിയത്.
ഏഥർ 450ന് ശേഷം ഏഥർ എനർജിയുടെ രണ്ടാമത്തെ മോഡൽ നിരയാണ് പുതിയ റിസ്‌റ്റ ഇലക്ട്രിക് സ്കൂട്ടർ. സുഖപ്രദമായ റൈഡിംഗിനും, മെച്ചപ്പെട്ട സുരക്ഷയ്ക്കുമാണ് ഈ സ്കൂട്ടർ പ്രാധാന്യം നൽകി കൊണ്ടാണ് വാഹനം പുറത്തിറക്കിയിരിക്കുന്നത്. . ന്യൂഡൽഹിയിൽ ആതർ റിസ്‌റ്റയുടെ ഓൺറോഡ് വില ആരംഭിക്കുന്നത് ബേസ് എസ് വേരിയന്റിന് 1,04,882 രൂപ മുതലാണ്. കൂടുതൽ മെച്ചപ്പെട്ട വലിയ ബാറ്ററി പായ്ക്ക് ഉള്ള ടോപ്പ്-സ്പെക്ക് ഇസെഡ് വേരിയന്റിന് നിങ്ങൾ മുടക്കേണ്ടത് 1,36,607 രൂപയോളം ആയിരിക്കും(ഓൺറോഡ് വില).ഈ സ്‌കൂട്ടറിന്റെ നീളമേറിയ സീറ്റ് തന്നെയാണ് ഏറ്റവും വലിയ സവിശേഷതകളിൽ ഒന്ന്.
അടിസ്ഥാന എസ്, മിഡ്-സ്പെക് ഇസെഡ് വേരിയന്റുകളിൽ 2.9 kWh ബാറ്ററിയാണ് വരുന്നത്, അതേസമയം ടോപ്പ്-സ്പെക്ക് മോഡലായ റിസ്‌റ്റ ഇസെഡിന് 3.7 kWh ബാറ്ററിയാണ് ലഭിക്കുന്നത്. മൂന്ന് മോണോടോൺ കളർ ഓപ്‌ഷനുകളിൽ റിസ്‌റ്റ എസ് ഓഫർ ആതർ നൽകുമ്പോൾ, 3 മോണോടോണും 4 ഡ്യുവൽ-ടോൺ കളർ ഓപ്ഷനുകളും ഉൾപ്പെടുന്ന 7 കളർ ഓപ്ഷനുകളിലാണ് റിസ്‌റ്റ ഇസെഡ് കമ്പനി അവതരിപ്പിക്കുന്നത്. എസ്, ഇസെഡ് മോഡലുകളിലായി മൂന്ന് വേരിയന്റുകളുള്ള രണ്ട് മോഡലുകളിലാണ് സ്കൂട്ടർ എത്തുന്നത്.